Pakistanın Qilqit-Baltistan bölgəsində hökumətə məxsus helikopter yerə enməyə cəhd edərkən qəzaya uğrayıb. Hadisə nəticəsində beş nəfər həyatını itirib.
Moderator.az xəbər verir ki, bu barədə "Dawn" qəzeti məlumat yayıb.
Rəsmi hökumət nümayəndəsi Feyzulla Farakın sözlərinə görə, qəzaya səbəb təyyarənin texniki nasazlığı olub. Helikopter təcili enişə cəhd etsə də, sonra qəzaya uğrayıb.
Qilqit-Baltistanın baş naziri fövqəladə hallar xidmətlərinə xilasetmə əməliyyatı aparmaq və qəzanın səbəblərini aydınlaşdırmaq üçün dərhal hadisə yerinə getməyi tapşırıb.
