"Gözlənilməz hadisələr baş verərsə, dövlət başçısı vəzifəsini icra etməyə hazıram..."
Son günlər ABŞ sosial şəbəkələrində prezident Donald Trampın ölümünə dair şayiələr sürətlə yayılır. Bu iddiaların əsas səbəbi vitse-prezident Vensın açıqlamalarıdır. O, bildirib ki, gözlənilməz hadisələr baş verərsə, dövlət başçısı vəzifəsini icra etməyə hazırdır.
Moderator.az xəbər verir ki, bu barədə "mk.ru" nəşri yazıb.
Eyni zamanda, Tramp cümə axşamından bəri ictimaiyyət qarşısına çıxmayıb ki, bu onun üçün qeyri-adi haldır, yaxın gələcəkdə isə onun iştirakı ilə planlaşdırılmış tədbirlər də yoxdur.
Sosial şəbəkələrdə axtarışlar sürətlə artıb
"Trump is Dead", "Trump Died", "Where is Trump?: kimi sorğuların sayı kəskin artıb. Bu, kütləvi marağın göstəricisidir. Konspiroloqlar "Pentagon pizzası indeksi" adlandırılan qeyri-rəsmi müşahidə sisteminə istinad edərək, fövqəladə halların izlənildiyini iddia edir.
Trampın sağlamlıq bəziyyəti
Ağ Ev prezidentin avqust ayında xroniki venoz çatışmazlıq diaqnozu qoyulduğunu açıqlayıb. Bu, ayaqlardakı damarların qanı ürəyə qaytara bilməməsi nəticəsində şişkinlik və digər simptomlara səbəb olan bir vəziyyətdir. Həkimlər bu vəziyyətin yaşlı insanlarda daha çox rast gəlinən və ümumiyyətlə ciddi təhlükə yaratmayan bir xəstəlik olduğunu bildirirlər .
Bundan əlavə, Trampın sağ əlinin üzərindəki yeni yaranmış şişkinlik də diqqət çəkib. Bəzi mütəxəssislər bu vəziyyəti venoz çatışmazlıqla əlaqələndirir. Ancaq bu, ciddi bir sağlamlıq problemi olduğunu göstərmir.
Prezidentinin özü isə bunu çoxsaylı əl sıxmalarla izah etsə də, konspiroloqlar bunu Britaniya kraliçası II Elizabetin ölümündən bir neçə gün əvvəl qolunda görünən ləkə ilə müqayisə edirlər. Bütün bu müzakirələrə baxmayaraq, Trampın ölümünə dair şayiələr yalnız bir neçə saat əvvəl meydana çıxıb və hələ ki, heç bir rəsmi təsdiq almayıb.
Potensial siyasi böhran
Trampın ölümü ABŞ-da genişmiqyaslı siyasi böhran yarada bilər. Konstitusiyaya görə vitse-prezident Vens avtomatik olaraq prezidentin vəzifəsini icra etməyə başlayacaq, yeni seçkilər keçirilənədək idarəetmə çevriləcək. Bu isə administrasiyada ciddi dəyişikliklərə və icraedici hakimiyyətin müvəqqəti konsolidasiyasına gətirib çıxaracaq.
Respublikaçı və demokrat partiyaları öz strategiyalarını təcili şəkildə yenidən gözdən keçirməyə məcbur olacaq. Respublikaçılar üçün vəziyyət xüsusilə gərgin olacaq, çünki Tramp uzun müddət partiyanın əsas lideri və seçici dəstəyinin təməl daşı olub. Yeni müvəqqəti rəhbərin ortaya çıxması gələcək seçkilərə qədər qüvvələr nisbətini dəyişdirə bilər və daxili parçalanmaya səbəb ola bilər.
Kütləvi reaksiyalar və informasiya axını
Belə bir vəziyyətdə kütləvi etiraz aksiyaları, medianın aktivliyi və sosial şəbəkələrdə spekulyasiyalar artacaq. Trampın sağlamlıq vəziyyəti və Vensin fəaliyyətləri ilə bağlı hər hansı yeni məlumat dərhal yayılacaq və geniş ictimaiyyət tərəfindən analiz ediləcək.
Beynəlxalq təsirlər
Trampın ölümünün beynəlxalq münasibətlərə də təsiri olacaq. ABŞ-ın əsas tərəfdaşları və müttəfiqləri yeni administrasiyanın siyasətini, xüsusilə ticarət, sanksiyalar və strateji alyanslarda Trampın şəxsi rolunun əhəmiyyətli olduğu sahələrdə diqqətlə izləyəcək.
Konstitusional məsələlər
Sonda səlahiyyətlərin ötürülməsi ilə bağlı hüquqi və konstitusional mübahisələr də gündəmə gələ bilər - seçkilərin vaxtı, müvəqqəti prezidentin səlahiyyətləri və digər proseduralar diqqətlə nəzərdən keçiriləcək. ABŞ siyasi sistemi böhranlara qarşı yüksək dözümlülüyə malik olsa da, bu vəziyyət onun qəfil və gözlənilməz ssenarilərə adaptasiya bacarığını sınayacaq.
