ABŞ prezidenti Donald Tramp Qəzzadakı israilli məhbusların geri qaytarılmasının yalnız HƏMAS-ın “məhv edilməsi” ilə mümkün olacağını iddia edib.Tramp məsələ ilə bağlı ABŞ-da yerləşən Truth sosial media platformasında paylaşım edib.

Yüzlərlə əsirin azad edilməsini təmin etdiyini və tez bir zamanda bir çox müharibələrə son qoyduğunu qeyd edən Tramp, "Qalan əsirlərin geri qaytarılmasını yalnız Həmas qarşı-qarşıya qaldıqda və məhv ediləndə görəcəyik. Bu, nə qədər tez baş verərsə, uğur şansı bir o qədər çox olar" dedi.

Tramp İranın nüvə obyektlərinin “aradan çıxarılması” ilə bağlı fikirlərini təkrarlayaraq, “Qazanmaq üçün oynayın və ya heç oynamayın” deyib.

"Ağ Evdə böyük gün"
Tramp həmçinin qeyd edib ki, o, Ukrayna prezidenti Vladimir Zelenskini və çoxsaylı Avropa İttifaqı (Aİ) liderlərini Ağ Evdə qəbul edəcək.

Prezident Tramp, "Ağ Evdə böyük bir gündür. Biz heç vaxt burada eyni vaxtda bu qədər çox Avropa liderini qəbul etməmişik. Bu Amerika üçün böyük şərəfdir. Nəticələrini görəcəyik" dedi.

Tramp və Zelenski arasında bu gün Vaşinqtonda keçiriləcək görüşdə Ukrayna üçün təhlükəsizlik zəmanətləri və ərazi mübadilələri də daxil olmaqla bir neçə vacib məsələnin müzakirə olunacağı gözlənilir.

İclasda Avropa Komissiyasının sədri Ursula fon der Leyen və bir sıra Avropa liderləri də iştirak edəcək.

Tramp Rusiya-Ukrayna müharibəsində vasitəçilik səylərini tənqid edib
ABŞ prezidenti Donald Tramp Rusiya-Ukrayna müharibəsində apardığı danışıqları tənqid edərək, “illərdir bu qədər münaqişəni dayandırmaq üçün heç nə etməyənlərin” məsləhətinə ehtiyac duymadığını bildirib.

Tramp ABŞ-da yerləşən Truth sosial media platformasında paylaşımlar edib.

"Son altı ayda mən altı müharibəni həll etdim, onlardan biri nüvə fəlakəti idi" deyən Trump, Wall Street Journal kimi ABŞ mediasına "bu mövzuda səhv etdiyini iddia edərək" reaksiya verdi.

Tramp Rusiya-Ukrayna müharibəsini "ABŞ-ın keçmiş prezidenti Co Baydenin müharibəsi" kimi xarakterizə edərək, "Mən yalnız onu dayandırmaq üçün buradayam, davam etdirmək üçün deyiləm. Prezident olsaydım, bu (müharibə) heç vaxt baş verməzdi" dedi.

Hərəkətlərinə güvəndiyini ifadə edən Tramp, "İllərdir bütün bu münaqişənin üzərində işləyən və onu dayandırmaq üçün heç nə edə bilməyən insanların məsləhətinə ehtiyacım yoxdur. Onlar nə sağlam düşüncəsi, nə zəkası, nə də anlayışı olmayan "axmaqlardır".

Tramp bu vəziyyətin Rusiya-Ukrayna probleminin həllini çətinləşdirdiyini, lakin o, “nə etməsindən asılı olmayaraq, üzərinə düşəni edəcəyini” bildirib.

Tramp başqa bir yazısında ABŞ mediasını və “saxta xəbər” damğası vurduğu Demokratik Partiya üzvlərini hədəfə alıb və Rusiyanın “Moskva və Sankt-Peterburq paytaxtlarını ABŞ və Ukraynaya verdiyini desə belə, media və Demokratik Partiya üzvlərinin “Tramp və ABŞ üçün alçaldıcı bir gün” olduğunu deyəcəklərini təkrarlayıb.

Tramp avqustun 15-də Alyaskada Rusiya prezidenti Vladimir Putinlə görüşüb və yekun razılaşmanın əldə olunmadığını açıqlayıb.

ABŞ prezidenti Trampın bu gün Vaşinqtonda Ukrayna prezidenti Vladimir Zelenski ilə görüşündə Ukrayna üçün təhlükəsizlik zəmanətləri və ərazi mübadilələri də daxil olmaqla bir sıra mühüm məsələlərin müzakirə ediləcəyi gözlənilir.

aia.az
Tərcümə şöbəsi