Vladimir Putinlə cümə günü keçirilən sammit zamanı əldə edilən ən əhəmiyyətli irəliləyiş ABŞ Prezidenti Donald Trampın dərhal atəşkəs əldə etmək deyil, bunun əvəzinə, daha böyük sülh sazişinə nail olunması üzərində çalışmasıdır.
AZƏRTAC xəbər verir ki, bu sözləri ABŞ Prezidentinin xüsusi elçisi Stiv Uitkof CNN telekanalına müsahibəsində deyib.
"Biz bu görüşdə sülh razılaşması üçün lazım olan bütün digər komponentlərlə bağlı irəliləyiş əldə etdik və Prezident Tramp bu istiqamətə yönəldi. İndi daha böyük sülh razılaşması ilə bağlı elə bir vəziyyət yaranıb ki, bu, dərhal atəşkəsin əldə olunması tələbini rədd edir. Biz çox tez bir zamanda döyüşləri daimi olaraq bitirən sülh razılaşmasını əldə etməyə çalışmaq niyyətindəyik. Yəni, atəşkəsdən daha tez. Buna görə də atəşkəs zamanı müzakirə edilməli və razılaşdırılmalı olan hər cür məsələni dayandırdıq”.
Onun sözlərinə görə, rusların mövqelərinin yumşalması ilə bağlı əvvəlki görüşlərdən daha çox irəliləyiş əldə olunub.
