BAKI, 17 avqust. TELEQRAF
Ryazan vilayətindəki zavoddakı partlayış nəticəsində ölənlərin sayı 14 nəfərə çatıb, 135 nəfər yaralanıb.
Teleqraf xəbər verir ki, bu barədə Rusiyanın Fövqəladə Hallar Nazirliyinin mətbuat xidməti məlumat yayıb.
Xatırladaq ki, avqustun 15-də Rusiyanın Ryazan vilayətinin Şilov rayonunda yerləşən "Elastik" barıt zavodunun sexində güclü partlayış baş verib.
Yenilənmiş məlumata görə, 149 nəfər xəsarət alıb, onlardan 14 nəfəri həlak olub.
Belə ki, 135 zərərçəkənin tibbi yardıma ehtiyacı olub, bu rəqəm dəyişməyib.
İdarədən dəqiqləşdiriblər ki, Lesnoy kəndində hadisə yerində dağıntılar hələ də təmizlənir. FHN-nin psixoloqları ölən və yaralananların yaxınları ilə işləyir. Onlar eyni zamanda identifikasiya prosedurunda iştirak edir və məlumatlandırma xəttinin işində iştirak edirlər.
