Əlillərə sosial ödənişlərin proaktiv təyini
Finss.az xəbər verir ki, Əmək və Əhalinin Sosial Müdafiəsi Nazirliyinin tabeliyindəki Dövlət Tibbi-Sosial Ekspertiza və Reabilitasiya Agentliyi tərəfindən 2025-ci ilin yanvar-iyul ayları ərzində 32,6 min şəxsə əlillik təyin edilib.
Bildirilib ki, bu şəxslərdən:
- 14,5 mininə ilkin əlillik,
- 18,1 mininə isə təkrar əlillik təyinatı aparılıb.
Agentlik əlavə edib ki, əlilliyin qiymətləndirilməsi elektron sistem üzərindən, səhiyyə müəssisəsinin e-sistemə daxil etdiyi göndərişlərdəki məlumatlar əsasında həyata keçirilir.
Əlavə olaraq, əlillik təyinatından sonra e-sistem üzərindən proaktiv qaydada sosial ödənişlər əlillərə təyin olunur, bu da prosesin sürətli və şəffaf olmasını təmin edir.
Fuad Mədətov
Finss.az
