Aİ Şurası dövlət qurumlarının və xidmət kreditlərinin maliyyələşdirilməsi üçün Ukraynaya Dəstək Fondundan 3,2 milyard avro ayıracaq. Bəyanat Aİ Şurasının saytında dərc olunub.
“Bu maliyyə ilk növbədə Ukraynanın makro-maliyyə sabitliyini artırmalı və onun dövlət idarəçiliyinin işini dəstəkləməlidir”, - deyə vebsaytda deyilir.
Ukraynaya Dəstək Fondu 2024-cü il martın 1-də yaradılıb. O, Ukraynaya dəstək üçün qrant və kreditlər şəklində 50 milyard avroya qədər sabit maliyyə vəsaiti təqdim edir. Təşkilat açıldığı gündən Ukraynaya 6 milyard avro, avans olaraq 1,89 milyard avro ayırıb.
Əziz Mustafa
