“Sabah” heyətini amerikalı basketbolçu ilə gücləndirib.
Fanat.Az xəbər verir ki, məlumatı klubun mətbuat xidməti yayıb.
Bakılılar David Nikolsla 2 illik müqavilə imzalayıb.
30 yaşlı oyunçu 183 sm boya malikdir. Karyerasına ABŞ-nin nüfuzlu universitet komandalarında başlayan oyunqurucusu “Albany Great Danes” və “Florida State Seminoles” komandalarında forma geyinib.
Qeyd edək ki, 2024-cü ilin yayında “Alba Fehervar”la müqavilə imzalayan D.Nikols son olaraq Türkiyənin “Yalovaspor” klubunda çıxış edib.
