Rusiyada xarici siyasətə nöqteyi-nəzəri prezident Vladimir Putin formalaşdırdığı üçün onun mövqeyi hər şeydən önəmlidir.
Vətəninfo.az xəbər verir ki, bunu brifinq zamanı Kremlin mətbuat katibi Dmitri Peskov Rusiya Təhlükəsizlik Şurasının sədr müavini Dmitri Medvedevin sosial şəbəkələrdə qarşıdurma tonunu şərh edərkən deyib.
O qeyd edib ki, hər bir ölkədə rəhbərlik üzvlərinin dünyada baş verən hadisələrə baxışı, fərqli münasibəti var. Peskov ABŞ və Avropada da çox sərt düşüncəli insanların olduğunu vurğulayıb. Rusiyaya gəlincə, Peskov Putinin sözlərinə və mövqeyinə diqqət yetirməyə çağırıb.
“Ancaq əsas, əlbəttə ki, prezident Putinin mövqeyidir. Bizdə xarici siyasəti dövlət başçısı, yəni Putin formalaşdırır”, – Kreml nümayəndəsi bildirib.
İyulun sonunda ABŞ prezidenti Donald Tramp və Rusiya Təhlükəsizlik Şurasının sədr müavini Dmitri Medvedev sosial şəbəkələrdə ictimai mübahisəyə səbəb olub. Amerika lideri rusiyalı siyasətçiyə onun “təhlükəli əraziyə” girdiyinə eyham vuraraq sözlərinə diqqət yetirməyi tövsiyə edib. Buna cavab olaraq Medvedev Trampı “gedən ölülər” haqqında filmlərə yenidən baxmağa çağırıb və ona “Ölü əl”i xatırladıb.publika.az
