"Kəpəz" və "Sumqayıt" arasında yoxlama oyunu keçirilib.
Sportinfo.az xəbər verir ki, komandalar Qəbələ şəhər stadionunda üz-üzə gəliblər.
Matç "Sumqayıt"ın qələbəsi ilə başa çatıb - 2:1.
"Sumqayıt"da yeni transfer Rüstəm Əhmədzadə dubl edib. "Kəpəz"də isə Arzu Atakişiyev fərqlənib.
Yay hazırlıq toplanışında daha əvvəl "Sumqayıt" "İmişli" ilə 0:0 hesablı heç-heçə etmişdi. "Kəpəz" isə bunadək "Qəbələ" (0:2) və "Şamaxı"ya (1:6) uduzub.
