Fransız teatr və kino aktyoru Jan-Pol Dübua 74 yaşında vəfat edib.
Axar.az xəbər verir ki, bu barədə “Sceneweb” məlumat yayıb.
Bildirilib ki, sənətkarın karyerası 40 ildən çox davam edib.
O, 60 film və serialda, o cümlədən "Qurd çənəsi" (1999) və "Kədər və gözəllik" (2015) filmlərində rol alıb.
Dübua teatrda karyerasına 1970-ci illərin sonlarında başlayıb. Sənətçi Vinsent Peres və Penelope Kruz ilə birlikdə çəkildiyi "Fanfan le Tulipe" (2003) macəra filmindəki rolu ilə populyarlığının zirvəsinə çatıb.
