Azərbaycanlı iş adamı İsgəndər Xəlilovun oğlu Rəhman Xəlilov “Railgo” şirkətinin Moskva ofisində axtarış aparılması ilə bağlı yayılan xəbərləri təkzib edib.
Bizim.Media xəbər verir ki, Rəhman Xəlilov bu barədə video-müraciət yayımlayıb. O, Rusiyanın “Mash” Telegram kanalının yaydığı məlumatların əsassız olduğunu bildirib.
“Rusiyanın “OOO REILGO” şirkətinin rəhbərliyi olaraq rəsmi şəkildə bəyan edirik ki, 25 iyul 2025-ci il tarixində şirkətimizin ofisində iş prosesi tam normal rejimdə davam edib. Həmin gün ofis və digər obyektlərimizdə heç bir istintaq və ya əməliyyat tədbiri həyata keçirilməyib”, – deyə Xəlilov qeyd edib.
Qeyd edək ki, “REILGO” neft və neft məhsullarının daşınması sahəsində fəaliyyət göstərən Rusiyadakı ən iri şirkətlərdən biridir. (Musavat.com)
Bizim.Media
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
