Ağdam rayonunun Gülablı, Abdal və Xocavənd rayonunun Sos kəndləri istiqamətində açıq ərazidə yanğınlar başlayıb

Reyting.az bildirir ki, bu barədə Fövqəladə Hallar Nazirliyinin (FHN) Mətbuat Xidməti məlumat yayıb.

Əraziyə FHN-nin Dövlət Yanğından Mühafizə Xidmətinin qüvvələri cəlb olunub.

Məlumata görə, yanğın Xocavənd rayonu Mirikənd kəndi ərazisinə keçib.

Yanğının söndürülməsi üçün əraziyə FHN-nin Ağdam, Ağcabədi, Yevlax, Xankəndi rayonlarından 7 yanğınsöndürən olmaqla, 80 nəfər şəxsi heyət və 2 helikopter cəlb olunub.

Hazırda yanğının söndürülməsi istiqamətində əməliyyat davam edir.

Reyting.az-ın yerli sakinlərdən aldığı məlumata görə, bir neçə gün əvvəl Füzuli rayonunun Qacar kəndi istiqamətində başlayan yanğın qonşu Xocavənd rayonunun digər ərazilərində davam edir.

Əlavə məlumat veriləcək.