“Əl-Hilal” futbolçularındakı yorğunluq səbəbindən Səudiyyə Ərəbistanı Superkubokunda iştirak etməmək qərarına gəlib.
Operativ Media xəbər verir ki, bu haqda klubun mətbuat xidməti məlumat yayıb.
“Əl-Hilal” qərarını rəsmən Səudiyyə Ərəbistanı Futbol Federasiyasına (SAFF) göndərib və orada turnirdə iştirakdan imtinanın səbəblərini ətraflı şəkildə qeyd edib. Açıqlamada qeyd olunub ki, Superkubokda iştirak etsələr, klublararası dünya çempionatında çıxış etmiş futbolçuların məzuniyyəti 21 günə düşür ki, bu da futbolçuların müqavilələrindəki bəndin pozulmasıdır.
Qərar həmçinin çətin mövsümdən sonra həddindən artıq yorğunluq əlamətlərini aşkar edən bir neçə oyunçunun fiziki durumunun qiymətləndirilməsindən sonra qəbul edilib.
Klublararası dünya çempionatında “Əl-Hilal” “Fluminense”yə uduzaraq (1:2) mübarizəni dayandırıb. Səudiyyə Ərəbistanı Superkubokunun avqustun 20-də Honq-Konqda keçirilməsi planlaşdırılırdı.
