Azərbaycanın bayraqdarları bəlli oldu

Azərbaycanın 18-ci Avropa Gənclər Yay Olimpiya Festivalındakı bayraqdarları bəlli olub.

"Football-plus.az" xəbər verir ki, iyulun 20-də Şimali Makedoniyanın paytaxtı Skopyedə yerləşən Yan Sandanski İdman Mərkəzində keçiriləcək açılış mərasimində üçrəngli bayrağımızı cüdoçu Zeyd Ələsgərov (-60 kq) və taekvondoçu Humay Dadaşova (49 kq) daşıyacaq.

18-ci Avropa Gənclər Yay Olimpiya Festivalı iyulun 26-a kimi davam edəcək.