Yeni süni intellekt modeli səslə sinxron video yarada bilir və müxtəlif sahələrdə tətbiq imkanları təqdim edir...
Poliqon xəbər verir ki, 2025-ci il mayın 20-də Google I/O konfransında təqdim olunan Google DeepMind-ın yeni video generasiya modeli Veo 3, yüksək keyfiyyətli və səsli videoların yaradılmasında yeni dövrün başlanğıcını qoyur. Bu texnologiya artıq müxtəlif sahələrdə, kinodan tutmuş təhsilə qədər, innovativ istifadələr üçün böyük maraq doğurub.
Veo 3 modeli 8 saniyəyədək uzunluğa malik 4K keyfiyyətli videoları sadə mətn və ya qrafik göstərişlər (promptlar) əsasında yarada bilir. Ən önəmli yeniliklərindən biri – səsin vizualla tam sinxron generasiyasıdır. Model dialoqlar, fon musiqisi və səs effektləri ilə zəngin, dinamik və realist videolar təqdim edir. Bu xüsusiyyət, onu OpenAI-ın Sora modeli də daxil olmaqla, digər generativ İİ texnologiyalarından fərqləndirir.
Google, Veo 3-ü Gemini tətbiqi, Flow platforması (rejissorlar üçün) və Vertex AI (korporativ istifadəçilər üçün) daxil olmaqla müxtəlif məhsullarına inteqrasiya edib.
Texnologiya hazırda 159-dan çox ölkədə, Google AI Pro/Ultra abunə ilə, ya da Google Cloud-un 90 günlük $300 dəyərində sınaq krediti ilə əlçatandır.
Poliqon.info
