Ulduz ukraynalı qılıncoynadan Olqa Harlan hesab edir ki, mübahisəli reputasiyası olan bir çox rusiyalı idmançının dünya çempionatında iştirakına icazə verilməsi bu qılıncoynatmanın olimpiya statusunu itirməsi ilə nəticələnə bilər.
Publika.az xəbər verir ki, bu barədə idmançı “İnstaqram” səhifəsində yazıb.
“Qılıncoynatma Olimpiadadan çıxarılacaqmı? Rusiya qaydaları pozduqda, artıq heç kim təəccüblənmir. Amma FIE bu pozuntuları ört-basdır edəndə bu, üzünə vurulan bir şillədir. BOK-un və onun tövsiyələrinin üzünə vurulan şillə. Olimpiya Xartiyasına bir şillə.
Bu gün Rusiya FIE-də elə bir səlahiyyətə sahibdir ki, BOK-un tövsiyələri açıq şəkildə pozulur, müharibə təbliğatçılarının lehinə qərar verilir.
