"Əl-Şabab" klubu baş məşqçi Fatih Terimlə yollarını ayırıb.
90deqiqe.Az-ın məlumatına görə, klub bu ayrılığı simvolik şəkildə qeyd edib. Səudiyyə təmsilçisi sosial media üzərindən yayımladığı vida videosunda Terimə “Halil İbrahim” türküsü ilə təşəkkür edib.
Qısa, lakin emosional paylaşımda klub, təcrübəli çalışdırıcının komandaya verdiyi töhfələri yüksək qiymətləndirib və ona gələcək karyerasında uğurlar arzulayıb.
Fatih Terim "Əl-Şabab"ın sükanı arxasında keçirdiyi müddətdə komandanın oyun sistemində dəyişikliklər etsə də, klub rəhbərliyi ilə razılaşma əsasında ayrılıq qərarı verilib.
