Yeniavaz saytından əldə olunan məlumata görə, ain.az məlumat yayır.
Moskva Bakı ilə tərəfdaşlıq və müttəfiqlik münasibətlərində qalmaq istəyir və hesab edir ki, bütün fikir ayrılıqları konstruktiv şəkildə həll olunmalıdır.
Yeniavaz.com TASS-a istinadla xəbər verir ki, bunu Rusiya Prezidentinin mətbuat katibi Dmitri Peskov keçirdiyi brifinqdə deyib.
“Biz hələ də hesab edirik ki, məntiq yalnız bir şeydən danışır: Rusiya və Azərbaycan ortaq tarixi, ortaq bu günü, ortaq gələcəyi olan ən yaxın tərəfdaş və müttəfiqdirlər və belə də qalmalıdırlar. Yaranan problemlər, şübhəsiz ki, konstruktiv şəkildə həll edilməlidir”, - Kreml nümayəndəsi bildirib.
Rusiya Prezidentinin mətbuat katibi deyib ki, Moskva Bakı ilə daimi təmasdadır və saxlanılan rusların maraqlarını müdafiə edir.
“Səfirliyimiz, diplomatik idarəmiz Azərbaycan tərəfi ilə daim əlaqə saxlayır və qanunun verdiyi bütün imkanlardan və mövcud diplomatik praktikadan istifadə edərək, saxlanılan rusların maraqlarını müdafiə edir”, - o, bildirib.
Peskov həmçinin, Rusiyanın baş prokuroru və İstintaq Komitəsinin rəhbərinin Azərbaycanın baş prokuroru ilə əlaqə saxladığını da xatırladıb.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
