İran prezidenti Məsud Pezeşkian ABŞ jurnalisti Taker Karlsona verdiyi müsahibədə bildirib ki, İran hakimiyyəti heç vaxt Donald Trampa qarşı sui-qəsd cəhdlərini dəstəkləməyib.
Musavat.com-un xəbərinə görə, Pezeşkian deyib ki, ona qarşı İsrail tərəfindən sui-qəsd cəhdi olub, lakin bu, uğursuzluqla nəticələnib.
“Bəli, onlar cəhd etdilər, amma uğursuz oldular”, – deyə o bildirib.
Prezidentin sözlərinə görə, sui-qəsd cəhdi onun iştirak etdiyi iclas zamanı baş verib. Pezeşkian ABŞ-nin bu hücumla əlaqəsinin olmadığını vurğulayıb:
“Biz növbəti addımları müzakirə edirdik və onların (İsrailin) casuslarının verdiyi kəşfiyyat məlumatları ilə iclas keçirdiyimiz yerə zərbə endirməyə çalışdılar”.
