Naməlum şəxslər "Tour de France"da iştirak edən Fransanın "Cofidis" komandasının yük maşınının qapısını sındıraraq 11 velosiped oğurlayıblar.
Avtosfer.az xəbər verir ki, bu barədə komanda "X" sosial şəbəkəsindəki hesabında məlumat yayıb.
Bildirilir ki, polis hadisə ilə bağlı araşdırmaya başlayıb.
Öz növbəsində, "Le Monde" yazır ki, ziyan təxminən 143 min avro təşkil edib.
Xatırladaq ki, ötən il də "Tour de France" yarışında "TotalEnergies" komandasından eyni sayda velosiped oğurlanıb.
Qeyd edək ki, "Tour de France" iyulun 5-dən 27-dək keçirilir.
