Türkiyənin Liviyadakı tərəflərlə qurduğu son əlaqələr və 2019-cu ildə Türkiyə ilə Liviya Milli Razılıq Hökuməti arasında imzalanan və Birləşmiş Millətlər Təşkilatı (BMT) sistemində qeydiyyatdan keçmiş Dəniz Yurisdiksiyası Sazişinin Xəlifə Haftarın nəzarətində olan Tobruk Nümayəndələr Palatası tərəfindən təsdiqlənməsi məsələsi Afinanı narahat edib.
Referans xəbər verir ki, Yunanıstanın xarici işlər naziri George Gerapetritis hökumətinin uğursuzluğunu kompensasiya etmək və Liviya Milli Ordusunun komandanı və Şərqi Liviyanın faktiki rəhbəri Xəlifə Haftar ilə görüşmək üçün iyulun 6-da Benqaziyə gedib. Bildirilir ki, gündəm ikitərəfli münasibətlər və dəniz sərhədlərinin müəyyənləşdirilməsi ilə bağlı danışıqların yenidən başlamasının zəruriliyi kimi məsələlərdir.
Bir vaxtlar Yunanıstanın müttəfiqi kimi görünən Haftarın Afina ilə münasibətləri son aylarda pisləşib. Haftarın oğlu Afinanın onları tərk etdiyini iddia edib./publika.az
