Formula 1: Titullu pilotlar yenə geridə qaldı

BAKI. 6 iyul. TELEQRAF

"Maklaren" pilotu Lando Norris Formula 1 üzrə Böyük Britaniya Qran Prisinin qalibi olub.

Teleqraf xəbər verir ki, Silverstoun halqasında təşkil olunan yarışda ikinci yeri onun komanda yoldaşı və çempionatın lideri Oskar Piastri tutub.

"Kik Zauber" sürücüsü Niko Hülkenberq isə üçüncü olub.

7 qat dünya çempionu, "Ferrari" pilotu Lüis Hemilton finişə dördüncü çatıb.

Dördqat və son çempion, "Red Bull" sürücüsü Maks Ferstappen beşinci olub.

Qeyd edək ki, 20 iştirakçıdan 15-i finişə çata bilib. Daha 5 pilotdan 4-ü çıxışını yarımçıq başa vurubsa, 1-i yarışa ümumiyyətlə başlamayıb.