PSJ-nin baş məşqçisi Luis Enrike 2025-ci il FIFA Klub Dünya Kubokunun “Bayern”lə 1/4 final oyununu (2:0) şərh edib.
Arena.az “RMC Sport” dərgisinin DAZN şəbəkəsinə istinadı əsasında 55 yaşlı ispan mütəxəssisin müvafiq açıqlamasını təqdim edir:
“Bu, ciddi bir rəqibə qarşı gərgin oyun idi ki, bizə çətinliklər yaratdı. Mən nəticədən məmnunam. Özümü bir qədər qəribə hiss edirəm. Mən qürur duyuram. Bizim çoxlu azarkeşlərimiz var və biz heç də asan olmayan bu oyunda yaxşı bir oyun səviyyəsi nümayiş etdirdik. “Bayern” – möhkəm komandadır. Biz futbol oynamağa can atırıq. Oyunun sonu bir sınaq idi, belə ki, bizə azlıqda müdafiə olunmaq gərək oldu. Nəticəyə çox şey təsir edir. “Bayern” də özünü yaxşı göstərdi və qələbə qazana bilərdi”, deyə Luis Enrike vurğulayıb.
Beləliklə, “Bayern” klublararası dünya çempionatı ilə vidalaşıb. Yarımfinala yüksəlmiş PSJ bu mərhələdə İspaniya nəhəngi “Real”la qarşılaşacaq.
