“Yaprak Dökümü” serialının simvolik məkanı sayılan, Beylerbeyində yerləşən 150 yaşlı tarixi ev uzun fasilədən sonra yenidən görüntülənib.
Musavat.com Türkiyə mətbuatına istinadla xəbər verir ki, saysız-hesabsız duyğusal səhnəyə ev sahibliyi etmiş bu ev artıq ofis kimi fəaliyyət göstərir.
Sosial mediada yayımlanan son görüntülər həm nostalji ab-havası yaradıb, həm də izləyiciləri illər öncəyə aparıb.
Serialda Ali Rıza bəyin ailəsi ilə birlikdə yaşadığı ev kimi tanınan bu məkan sadəcə “Yaprak Dökümü”nə deyil, “Çemberimde Gül Oya”, “Gırgıriye”, “Güler Misin Ağlar Mısın?” kimi bir çox məşhur serial və filmlərə də ev sahibliyi edib.
Rəsmi adı olmayan bu bina sahibi səbəbilə uzun illərdir xalq arasında “Lazın malikanəsi” kimi tanınır.
Musavat.com
