“Əl Nəsr”in super ulduzu Kriştiano Ronaldonun “Liverpul”un hücumçusu Dioqo Jota və onun qardaşı Andre Silvanın dəfn mərasimində iştirak etməməsi doğma Portuqaliyada şoka səbəb olub.
Publika.az “Daily Mail”ə istinadən bildirir ki, Portuqaliyada çoxları hesab edirdi ki, Ronaldo heç bir şəraitdə dəfn mərasimini qaçırmayacaq.
Lakin Mayorka mətbuatının məlumatına görə, 40 yaşlı futbolçu həmin vaxt 88 metrlik yaxtası “Azimut Grande”də istirahət edərkən görüntülənib.
“Daily Mail” portuqaliyalı jurnalist Antonio Ribeiro Kristovanın sözlərini sitat gətirib: “O, Portuqaliya millisinin kapitanıdır. Çoxları onun gələcəyini gözləyirdi”.
