ain.az, Yeniavaz portalına istinadən məlumat verir.
“Real Madrid” braziliyalı vinger Rodriqonu satmağa hazırdır.
Yeniavaz.com xəbər verir ki, bu barədə “The Athletic” qəzeti məlumat yayıb.
24 yaşlı futbolçu son vaxtlar start heyətində yerini itirib. Belə ki, Xabi Alonsonun baş məşqçi vəzifəsinə keçməsindən sonra o, üç oyunda cəmi 23 dəqiqə oynayıb.
Madrid klubu sərfəli təklif alacağı təqdirdə bu transferə qarşı çıxmayacaq.
İddiaçılardan biri də futbolçunun agentləri ilə ilkin danışıqlar aparan Londonun “Arsenal” klubudur. Klub Rodriqonun çox yönlülüyünü yüksək qiymətləndirir və onun hücumun hər iki cinahını gücləndirə biləcəyinə inanır.
Qeyd edək ki, Rodriqo ötən mövsüm bütün turnirlərdə 51 matçda 14 qol və 10 məhsuldar ötürmə ilə yadda qalıb.
Daha ətraflı məlumat və yeniliklər üçün ain.az saytını izləyin.
