Ukrayna və ABŞ prezidentləri Volodimir Zelenski və Donald Tramp arasında telefon danışığı olub.
Yeniavaz.com xəbər verir ki, Zelenskinin ofisinin rəhbəri Andriy Yermak “prezidentlər arasında çox mühüm və mənalı söhbət” haqqında məlumat verib.
O, Ukrayna liderinin konkret kiminlə danışdığını açıqlamayıb, təfərrüatları sonra bölüşəcəyini vəd edib.
“Axios”un müxbiri Barak Ravid də Trampın Zelenski ilə danışıqları barədə məlumat verib. Jurnalistin mənbəsi bildirib ki, söhbət 40 dəqiqə davam edib və yaxşı keçid. Onun sözlərinə görə, Tramp və Zelenski Rusiyanın Ukraynaya zərbələrinin eskalasiyasını və Kiyevə hava hücumundan müdafiə sistemlərinin tədarükü məsələsini müzakirə ediblər.
Volodimir Zelenski də Donald Trampla telefon danışığının olduğunu təsdiqləyib. Onun sözlərinə görə, tərəflər cəbhədəki vəziyyəti, eləcə də Rusiyanın Ukraynaya aviazərbələrini müzakirə ediblər: