"Rusiya qoşunlarının gözyaşardıcı qaz və xloropikrindən istifadə etməsi standart təcrübəyə çevrilib və geniş yayılıb".
Herbiand.az xəbər verir ki, bu barədə Almaniya Federal Kəşfiyyat Xidmətinin (BND) və iki Hollandiya kəşfiyyat orqanının - MIVD hərbi kəşfiyyat xidməti və AIVD kəşfiyyat və təhlükəsizlik xidməti tərəfindən iyulun 4-də yayımlanan birgə bəyanatda deyilir.
Hesabatda qeyd olunur ki, istifadə olunan xloropikrin ağciyəri zəhərləyən maddələr qrupundan olan kimyəvi döyüş vasitəsidir. Bu maddə Birinci Dünya Müharibəsində o, "Grünkreuz-1" ("Yaşıl Xaç-1") adı altında istifadə edilmişdir.
Üç kəşfiyyat orqanının hesabatında yüksək konsentrasiyalı xloropikrin qapalı məkanlarda ölümcül ola biləcəyi və onun istifadəsinin ağciyər zəhərinin istifadəsini qeyd-şərtsiz qadağan edən Kimyəvi Silahlar Konvensiyasının ciddi şəkildə pozulması olduğu qeyd edilib.
