"Football-plus.az" xəbər verir ki, bu fikri BFK-nın prezidenti Samir Ksaud FİFA-dan olan həmkarı Canni İnfantino ilə görüşündə səsləndirib. O, belə deyib:
“Bir fikir söhbət əsnasında ortaya çıxdı. Mən ona BFK-nın rəhbəri kimi qarşıya qoyulan hədəflərdən danışdım. Cənab İnfantinoya FİFA-ya daha yaxın olmaq istədiyimizi dedim. ABŞ-də nəhəng turnirin yüksək səviyyədə təşkil edildiyini, Braziliya klublarının uğurlu çıxış etdiyini və növbəti mundiala evsahibliyi etmək istəyimizi bildirdim. Buna çox sevinən İnfantino bizim niyyətimizin baş tuta biləcəyini dedi. Bundan sonra KDÇ-2029-a iddiamızı reallaşdırmaq üçün lazımi işləri görməyə başlayacağıq. Bu, bizim üçün böyük hədəf olacaq”.
“O Globo” qəzetinin yazdığına görə, KDÇ-2029-a daha bir ölkə - Avstraliya da iddia edəcək. Məlumatda bu ölkənin 2023-cü ildə qadınlar arasında dünya birinciliyini yüksək səviyyədə təşkil edəndən sonra yerli federasiyanın istiqaməti klubların mundialına yönəltdiyi bildirilib.
FİFA hələ ki növbəti KDÇ-nin təşkilatçılığı uğrunda mübarizənin detallarına aydınlıq gətirməyib.
