Azərbaycan 2026-cı ilə qədər Bakı Beynəlxalq Dəniz Ticarət Limanının illik ötürücülük qabiliyyətini 25 milyon tona çatdırmağı planlaşdırır. Bunu iqtisadiyyat nazirinin birinci müavini Elnur Əliyev Şuşada keçirilən İƏT İqtisadi Forumunda bildirib.
Onun sözlərinə görə, bu infrastruktur genişlənməsi regionda ticarət əlaqələrinin gücləndirilməsinə və Azərbaycanın Avropa ilə Asiya arasında strateji tranzit mərkəzinə çevrilməsinə xidmət edəcək.
Əliyev qeyd edib ki, ölkə Orta Dəhlizin inkişafında fəal rol oynayır və Bakı–Tbilisi–Qars dəmir yolunun illik yükdaşıma qabiliyyəti 2024-cü ildə 5 milyon tona çatıb.
Nazir müavini həmçinin əlavə edib ki, Azərbaycan rəqəmsal ticarət sistemlərinin inkişafı, investisiya mühitinin təkmilləşdirilməsi və yaşıl enerji keçidi istiqamətində də mühüm addımlar atır.
“Elektrik enerjisinin 30 faizinin 2026-cı ilə qədər bərpa olunan mənbələrdən istehsalı əsas hədəflərimizdəndir,” — Əliyev vurğulayıb.
Onun sözlərinə görə, Xəzər–Qara dəniz Yaşıl Enerji Dəhlizi layihəsi çərçivəsində Azərbaycandan Avropa bazarlarına yaşıl enerjinin ixracı nəzərdə tutulur. Bu təşəbbüs Qazaxıstan və Özbəkistanla birgə həyata keçirilən çoxtərəfli enerji əməkdaşlığının tərkib hissəsidir.
Əliyev əlavə edib ki, işğaldan azad olunan ərazilərdə yaşıl enerji zonası formalaşdırılır və burada investorlar üçün vergi və gömrük güzəştləri, eləcə də 10 il müddətinə sadələşdirilmiş rejim tətbiq olunur.
“Daşıma, logistika, sənaye və bərpa olunan enerji sahələrində TƏT ölkələri ilə əməkdaşlığımız davamlı inkişaf xəttindədir,” — Əliyev bildirib.
O, forumun nəticələrinin 4 iyulda keçiriləcək 17-ci TİT Zirvə görüşündə əksini tapacağına ümid etdiyini bildirib.
N.Təbrizli
