Səfərin əsas məqsədləri :
-
Birləşmiş Krallıq və Türkiyənin ortaq prioritetləri üzrə, xüsusən də regional təhlükəsizlik, ticarət və müdafiə sahələrində əməkdaşlığı irəli aparmaq.
-
Xarici İşlər Naziri Lammi, Türkiyənin Xarici İşlər Naziri Hakan Fidanla görüşəcək. Görüşdə Yaxın Şərqdə sabitlik və Rusiyanın Ukraynaya qarşı qeyri-qanuni müharibəsi fonunda ədalətli və davamlı sülhün əldə olunması istiqamətində səylər müzakirə ediləcək.
-
NATO üzrə yaxın müttəfiq olan Birləşmiş Krallıq və Türkiyə, diplomatik həll yollarını və bölgədəki zorakılığın dayandırılmasını dəstəkləyir.
-
Türkiyə ilə təhlükəsizlik və müdafiə sahəsində əməkdaşlıq Birləşmiş Krallığın təhlükəsizlik maraqları baxımından həyati əhəmiyyət daşıyır.
-
Bura “Eurofighter Typhoon” döyüş təyyarələrinin Türkiyəyə mümkün ixracı da daxildir. Türkiyənin bu təyyarələri qəbul etməsi, NATO müttəfiqləri arasında uzun illərdir inkişaf etmiş dostluq münasibətlərinə yeni bir qat qatacaq.
-
Səfər həm də Birləşmiş Krallıq və Türkiyə arasında yeni Azad Ticarət Sazişi (FTA) üzrə danışıqların başlanğıcı ilə üst-üstə düşür. Bu sazişin məqsədi Britaniya və Türkiyə biznesləri üçün yeni imkanlar yaratmaqdır.
-
2024-cü ildə Birləşmiş Krallıq və Türkiyə arasındakı ticarətin həcmi təxminən 28 milyard funt sterlinq olub və bu, minlərlə iş yerini birbaşa dəstəkləyir.
-
Səfər çərçivəsində Nazir Lammi Türkiyədə istehsal olunan və Birləşmiş Krallıqda hazırlanmış mühərrik və təhlükəsizlik avadanlıqları ilə təchiz edilmiş zirehli nəqliyyat vasitələrinin istehsal edildiyi Nurol Makina zavodunu ziyarət edəcək.
-
Daha sonra, Ankara Hava Limanında, Airbus şirkətinin ölkə rəhbəri Saymon Vard ilə görüşəcək. Bu görüşdə Airbus və Türkiyənin MNG Airlines yük daşıma şirkəti arasında Britaniya istehsalı Rolls Royce mühərrikləri ilə təchiz olunmuş kommersiya təyyarələri üzrə yüz milyonlarla funt dəyərində olan yeni müqavilə qeyd olunacaq. Bu razılaşma həm Birləşmiş Krallıq, həm də Türkiyə iqtisadiyyatı üçün əhəmiyyətli dəyər daşıyır.
Milli Təhlükəsizlik Strategiyasında qeyd olunduğu kimi:
Ticarət sahəsində əməkdaşlıq:
Xarici İşlər Naziri Devid Lamminin açıqlaması:
“Dünya getdikcə daha qeyri-sabit bir yerə çevrilərkən, Birləşmiş Krallıq və Türkiyə sülhün əldə olunması üçün birlikdə çalışan ən yaxın dost və tərəfdaş olaraq qalır. İki ölkə arasında ticarət minlərlə iş yerinin yaranmasına səbəb olur, təhlükəsizlik və müdafiə sahəsindəki əməkdaşlıq isə xalqlarımızın təhlükəsizliyinə xidmət edir.”
Zavod və aviasiya ziyarətləri:
