ECO üzvlərinin ümumi planları ilə bağlı 25-ə yaxın sənəd mövcuddur.
Bunu Azərbaycan Xarici İşlər Nazirliyi (XİN) İqtisadi Əməkdaşlıq İdarəsinin rəisi Elmar Məmmədov Ağdamda ECO Gənclər Forumu çərçivəsində keçirilən "Yüksək Səviyyəli Perspektivlər: “Regional inkişafda gənclərin rolu” mövzusunda panel müzakirəsində deyib.
O qeyd edib ki, bu sənədlər hazırda hökumətlərarası prosedurlardan keçir:
"Azərbaycanın işğaldan azad edilmiş ərazilərində hazırda yaşıl zonalar yaradılır, iqtisadiyyat dirçəldilir. Burada azad iqtisadi zonalar yaradılacaq. Gənclərin də bu prosesdə iştirakı arzuediləndir".
