ain.az, futbolpress-az portalına istinadən məlumat yayır.
Belaruslu müdafiəçi Yeqor Xvalko “Kəpəz”dən ayrılıb. Futbolçunun klubla müddəti başa çatan müqaviləsi uzadılmayıb.
Xvalko ayrılığı haqda “FutbolPress“in suallarını cavablandırdı:
– Klubu tərk etməyiniz nə ilə bağlı oldu?
– Mənlik bir şey deyil. Klub tərəfdən müqaviləm uzadılmadı.
– Qalmaq istəyirdiniz?
– Komandadan ayrılmaq istəmirdim, ancaq müqavilə yenilənmədi.
– Rəhbərliklə söhbətiniz oldu? Nə üçün anlaşmadınız?
– Xeyr, danışıq olmayıb. “İnstaqram”da gördüm ki, mənimlə müqavilə uzadılmayıb.
– Neçə müddətdir, komandanın əsas oyunçularından və kapitanlarından idin. Nə üçün belə rəftar gördünüz?
– Yeni rəhbərlik gəlib və yəqin, öz planları var. Nəsə demək istəmirəm. Lakin mənə nəyisə izah etmədilər. Özünüz də görürsünüz, komandanı tərk edənlər çoxdur.
– Kluba qarşı incikliyiniz var?
– Xeyr. Peşəkar futbolçuyam və futbolda belə hallar olur.
– Karyeranızla bağlı planınız nədir? Azərbaycanda qalacaqsınız?
– Oynamaq istəyirəm. Azərbaycandan hansısa təklif yoxdur.
Şahin Cəfərov
Daha ətraflı məlumat və yeniliklər üçün ain.az saytını izləyin.
