ain.az, Hurriyyet portalına istinadən məlumatı açıqlayır.
Məlum oldiğu kimi, 24 fevral 2025-ci ildə başlayan Rusiya-Ukrayna müharibəsi davam edir. Üç il dörd ay davam edən bu müharibədə milyondan çox insan həyatını itirib. Ukrayna müharibəsi bitməmiş, Hindistanla Pakistan arasında da silahlı qarşıdurma yarandı. Bu bölgədə də yüzlərlə günahsız insanlar həlak oldu.
13 iyun 2025-ci il tarixinə gecə saatlarlnda İsrail qırıcı təyyarələrlə İrana hücum etdi. İsrail-İran müharibəsinin 10-cu günündə daha qorxulu anlar başladı: ABŞ müharibəyə qoşularaq, İranda yerləşən üç nüvə obyektinə hücum etdi. Fordo, Natanz və İsfahan şəhərləridəki nüvə obyektlərini 30 "Tomahawk" raketi ilə vurdu.
Əslində isə İsraili İranın qisas xarakterli hücumlarından qorumaq üçün müharibəyə qoşuldu. Belə məlum oldu ki, ABŞ İsrail ilə İran arasındakı müharibəyə son qoymaq üçün birbaşa hərbi müdaxiləyə əl atıb.
Halbuki, bu, onsuz da gərgin vəziyyətdə olan Yaxın Şərqdə yeni təhlükəli mərhələnin başlamasına səbəb ola bilər. Çünki Yaxın Şərq REGİONU yeni müharibələrə sürüklənə bilər.
Yaxın Şərq geosiyasi baxımdan çox mürəkkəb və həssas coğrafiyada yerləşir. Bu bölgə münaqişələr, düşmənçiliklər və çoxsaylı vasitəçilərlə doludur. ABŞ-ın İrana, onun nüvə infrastrukturu və hərbi obyektlərinə hücumu təkcə İrandan başqa həm də onun regional müttəfiqləri və vasitəçi qüvvələrindən ciddi cavab reaksiyaları doğura bilər. Bütün bunlar isə Yaxın Şərqdə böyükmiqyaslı müharibə riskini artırır.
İran, Rusiya və Türkiyə kimi bölgədə təsir gücünə malik ölkələrin bu hücumlara necə cavab verəcəyi hələ məlum deyil. Misir Prezidenti Əbdülfəttah Sisi iranlı həmkarı Məsud Pezeşkianla telefon danışığında bildirib ki: "Misir dərhal atəşi dayandırmağı və bu böhranı sülh yolu ilə həll etmək üçün danışıqları bərpa etməyi son dərəcə vacib hesab edir, çünki onun hərbi həlli yoxdur".
Azərbaycan Prezidenti İlham Əliyev də İsrail və İran tərəfini münaqişəni sülh və dialoq yolu ilə həll etməyə çağırıb.
Tarix dəfələrlə sübut edib ki, Yaxın Şərq REGİONUNDA başlayan hərbi müdaxilələrin qarşısı vaxtında alınmasa, bu gözlənilməz nəticələrə – uzanan müharibələrə və bölgənin hətda bütün dünyanın qeyri-sabitliyinə səbəb olur.
Hazırda hadisələr sürətlə inkişaf edir. Geosiyasi küləklərin hansı tərəfə əsdiyini anlamaq üçün ; hadisələrin dərin təhlilinə ehtiyac var. Düşünürəm ki, indi ölkə rəhbərləri son dərəcə ehtiyatlı davranmalı və BMT-nın Baş katibi Antonio Quterreşin sülh çağrışlarına dəstək olmalıdlrlar.
Qəvami SADIQBƏYLİ
27 İyun 2025-ci il
Hadisənin gedişatını izləmək üçün ain.az saytında ən son yeniliklərə baxın.
