Meta "WhatsApp" üçün süni intellektlə dəstəklənən yeni funksiyanı – *“Mesaj Xülasələri”ni istifadəyə verib. Yeni xüsusiyyət istifadəçilərə oxunmamış mesajların qısa və aydın şəkildə ümumiləşdirilmiş xülasəsini təqdim edir.Metbuat.az bu barədə xarici mənbəyə istinadən məlumat verir. Yeni sistem istifadəçiyə söhbət ekranında görünən kiçik düzbucaqlı ikon vasitəsilə çatdakı oxunmamış mesajların sayını göstərir. Bu ikona toxunduqda "Meta AI" aktivləşir və oxunmamış mesajların xülasəsini elementlər şəklində təqdim edir."Meta"nın verdiyi məlumata görə, funksiyanın əsasında “Şəxsi Emal” texnologiyası dayanır. Bu isə o deməkdir ki, xülasə olunan məlumatlar yalnız istifadəçiyə göstərilir və bu məlumatlar Meta və ya WhatsApp serverləri ilə paylaşılmır.Funksiya hələlik məhdud şəkildə əlçatandır.Hazırda “Mesaj Xülasələri” funksiyası yalnız ABŞ-da və ingilis dilində olan istifadəçilər üçün aktivdir. Şirkət bu xüsusiyyətin 2025-ci ilin sonuna qədər digər ölkələrdə və dillərdə də istifadəyə veriləcəyini bildirib.Aktivləşdirmə qaydasıQeyd edək ki, bu funksiya defolt olaraq deaktivdir. İstifadəçilər funksiyanı aktivləşdirmək üçün Tənzimləmələr → Söhbətlər → Fərdi Emal bölməsinə daxil olmalıdırlar. Həmçinin, “Enhanced Chat Privacy” ayarları vasitəsilə Meta AI-nin hansı söhbətlərdə işləyəcəyini fərdiləşdirmək mümkündür.Meta bildirir ki, bu yenilik xüsusilə gündəlik həyatda çoxlu mesaj alan istifadəçilərə rahatlıq gətirmək məqsədi daşıyır. Məsələn, görüş zamanı və ya yolda olarkən istifadəçi söhbətin tam məzmununa daxil olmadan əsas mesajları xülasə şəklində görə bilər.
