Yaxın Şərqdə gərginlik daha bir təhlükəli mərhələyə qədəm qoyub. İran Qətərin ərazisində yerləşən ABŞ-nin strateji "əl-Udeyd" hərbi bazasına qarşı birbaşa hərbi əməliyyata başlayıb.
BAKU.WS xəbər verir ki, bu barədə məlumatı IRIB yayıb və hücumun "Qələbə xəbərləri" adını daşıdığı bildirilib.
"Axios"un yaydığı məlumatda isə bildirilir ki, İran Qətərdəki ABŞ bazalarına 10 raket atıb.
Eyni zamanda, ABŞ-nin İraqdakı bazaları da hədəfdədir.
Bildirilir ki, Doha səmasında hava hücumundan müdafiə sistemləri işə düşüb.
İranın dövlət televiziyası xəbəri təsdiqləyərək qeyd edib ki, İran Qətərdəki ABŞ bazalarına qarşı "Bəşarat əl-Fəth" əməliyyatına başlayıb.
Qeyd olunur ki, zərbə ABŞ Koalisiyasının Hava Əməliyyatları Mərkəzinin yerləşdiyi Əl-Udeyd Hərbi Hava Qüvvələri bazasına endirilib.
