İsrailin hava hücumundan müdafiə sistemi daha on gün ərzində ABŞ-ın köməyi olmadan İranın hücumlarını dəf edə biləcək.
Publika.az xəbər verir ki, bu barədə "Washington Post" qəzetində dərc olunan məqalədə deyilir.
“Birləşmiş Ştatlardan tədarük almadan İran sabit hücum tempini qoruyarsa, İsrail raketdən müdafiə sistemini daha on və ya on iki gün saxlaya biləcək”, - nəşr yazır.
Qəzet onu da vurğulayıb ki, ola bilsin, bu həftənin sonuna qədər İsrail sistemləri müdafiə sursatlarının formalaşdırılması zərurəti ilə əlaqədar raketlərin yalnız kiçik bir hissəsini tuta biləcək.
Xatırladaq ki, iyunun 17-də ABŞ prezidenti İranı “şərtsiz təslim olmağa” çağırıb. Tramp qeyd edib ki, Vaşinqton İranın ali dini lideri Ayətullah Əli Xamneyinin yerini bilir, lakin hazırda onu “aradan çıxarmaq” planları yoxdur.
