Goranboyda yol nəqliyyat hadisəsi baş verib.
Avtosfer.az apa-ya istinadən xəbər verir ki, hadisə Goranboy-Yuxarı Ağcakənd avtomobil yolunun rayonun ərazində keçən hissəsində qeydə alınıb.
Hərəkətdə olan " VAZ 2107" markalı minik maşını yoldan çıxaraq aşıb. Qəza zamanı bir neçə nəfər xəsarət alaraq xəstəxanaya yerləşdirilib.
Xəsarət alanların adı bəlli olub:
Sürücü 1998-ci il təvəllüdlü R.Dadaşov, sərnişinlər 1988-ci il təvəllüdlü L.Əzimov və 1990-ci il təvəllüdlü T.Allahverdiyevdir.
Faktla bağlı araşdırma aparılır.
