ŞOK: Ana 5 yaşlı qızını amansızlıqla qətlə yetirdi – VİDEO

40 yaşlı Tatyana Q. adlı qadın Moskva ətrafındakı Voskresensk şəhərində 5 yaşlı qızını amansızlıqla qətlə yetirib.

Bizim.Media xəbər verir ki, hadisə iyunun 8-də səhər saatlarında baş verib.

İlkin məlumata görə, qadın uzun müddətdir psixoloji gərginlik və depressiya içində olub, həyat yoldaşı ilə münasibətləri pozulub, kişi isə başqa qadının yanına getmək qərarına gəlib.

Hadisə günü kiçik qız evdə planşetdə oynayırmış və anasından mətbəxdən ona su gətirməyi xahiş edib. Lakin bu sadə istək anada qəfil və dəhşətli bir psixoloji sarsıntı doğurub.

Qadın əvvəlcə xalatının kəməri ilə qızını boğmağa başlayıb, sonra onu vanna otağında boğub, daha sonra isə uşağın boğazını bıçaqla doğrayıb.

Ekspertiza göstərir ki, uşaq suda boğularaq ölüb, bıçaq zərbələri isə ölümdən sonra endirilib.

Tatyana cinayətdən sonra özü polisə zəng edib və həyat yoldaşına mesaj yazaraq qızını öldürdüyünü bildirib. Hazırda qadın istintaq orqanları tərəfindən dindirilir. Ona qarşı "azyaşlının qəsdən qətlə yetirilməsi" maddəsi ilə cinayət işi açılıb.

Ən qorxulusu odur ki, Tatyana daha əvvəl heç vaxt polis nəzarətində olmayıb, məhkum edilməyib, işləyirmiş və ümumi olaraq müsbət xarakterizə edilirmiş. Bu isə cəmiyyətdə haqlı olaraq suallar doğurur: normal görünən bir qadın necə bu qədər dəhşətli cinayət törədə bilər?

Hazırda Tatyana psixiatriya ekspertizasına göndərilib. Onun cəzası ekspertizanın nəticəsindən asılı olacaq.

Bu faciə Rusiya ictimaiyyətində və sosial şəbəkələrdə geniş rezonans doğurub. Bir çoxları belə bir əməlin həm mənəvi, həm də hüquqi baxımdan ən ağır cəza ilə qarşılanmalı olduğunu bildirir.



Bizim.Media