Ukraynada münaqişənin həlli ilə bağlı Türkiyə prezidentinin təşəbbüsü əsasında keçirilən sammit yaxın vaxtlarda baş tuta bilər.
ONN media xəbər verir ki, bu barədə “RİA Novosti”yə Türkiyə Prezidenti Administrasiyasındakı mənbə məlumat verib.
“Ümid edirik ki, tezliklə baş tutacaq. Hər şey Rusiya və Ukrayna nümayəndə heyətinin İstanbuldakı danışıqlar prosesindən asılıdır, bu danışıqlar əslində sammitin tarixini yaxınlaşdıra bilər”, - mənbə bildirib.
