Azərbaycan – Macarıstan matçı Yankoviçə tapşırıldı

Qadın futbolçulardan ibarət milli komandalar arasında baş tutacaq Azərbaycan – Macarıstan oyununa hakim təyinatları müəyyənləşib.

Arena.az bu barədə AFFA-nın rəsmi saytına istinadən xəbər verir.

Xəbərdə bildirilir ki, qadın futbolçulardan ibarət komandalar arasında dünya çempionatının (DÇ-2027) seçmə mərhələsi çərçivəsində C Liqasının 3-cü qrupunun Azərbaycan – Macarıstan oyununun hakim təyinatları açıqlayıb.

Qarşılaşmanı Sloveniyadan olan hakimlər briqadası idarə edəcək. Oyunun baş hakimi Vanya Yankoviç olacaq. Ona Staşa Şpur və Helena Buh yardım edəcəklər. Dördüncü hakim funksiyasını Aleksandra Çesen yerinə yetirəcək.

Qeyd edək ki, sözügedən qarşılaşma iyunun 5-də Mehdi Hüseynzadə adına Sumqayıt şəhər stadionunda keçiriləcək. Oyuna saat 18:00-da start veriləcək.