ain.az, Azertag portalına istinadən məlumatı açıqlayır.
Şabran, 25 may, AZƏRTAC
Bakı–Quba–Rusiya Federasiyası sərhədi ödənişli avtomobil yolunda qəza baş verib.
AZƏRTAC-ın bölgə müxbiri xəbər verir ki, yolun Şabran rayonu ərazisindən keçən hissəsində “Toyota” markalı minik avtomobili idarəetmənin itirilməsi nəticəsində beton arakəsməyə çırpılıb və aşıb.
Hadisə zamanı avtomobilin sürücüsü olan qadın və onun qızı müxtəlif dərəcəli bədən xəsarətləri alıblar. Yaralılar təcili tibbi yardım briqadası vasitəsilə Xaçmaz Rayon Mərkəzi Xəstəxanasına çatdırılıblar.
İlkin məlumata görə, qəzaya sürücünün sükan arxasında yuxulaması səbəb olub.
Faktla bağlı araşdırma aparılır.
Müxbir - Elxan Yusifli
Daha ətraflı məlumat və yeniliklər üçün ain.az saytını izləyin.
