Xəbər verdiyimiz kimi Azərbaycanın qadın karateçisi Mədinə Sadıqova Almaniyanın Frankfurt şəhərində keçirilən böyüklər arasında Avropa çempionatında qızıl medal qazanıb.
QOL.az xəbər verir ki, 55 kq çəki dərəcəsində mübarizə aparan idmançı bütün rəqiblərinə qalib gələrək böyüklər arasında Avropa çempionu olan ilk azərbaycanlı qadın karateçi olub.
Birinci Qarabağ Müharibəsi şəhidi, kapitan Vasif Sadıqovun övladı olan Mədinə qələbəsini atasına həsr etdiyini bildirib:
"Həmişə istəmişəm ki, qızıl medalım olsun və onu atama həsr edim. Çünki o da bu bayraq altında şəhid olub. Mən də həmin bayrağı və himni Avropada tanıdıram".
