İran xarici işlər naziri Abbas Əraqçi Tehranda ABŞ-la danışıqlarda vasitəçi olan Pakistan ordusunun komandanı feldmarşal Asim Munirlə görüşüb.

Leqal.info xəbər verir ki, görüş Tehran və Vaşinqton arasında ilkin razılaşma çərçivəsinin əldə olunmasına dair ehtimallar fonunda baş tutub.

Görüşdə tərəflər gərginliyin artmasının qarşısını almaq, İrana qarşı müharibəyə son qoymaq, o cümlədən Qərbi Asiyada sülh, sabitlik və təhlükəsizliyin gücləndirilməsi yollarını müzakirə ediblər.

Həmçinin Abbas Əraqçi bu səylər çərçivəsində bu gün Türkiyə, Qətər və İraqın xarici işlər nazirləri ilə telefon danışığı aparıb.

Leqal.info