“Qarabağ”ın baş məşqçisi Qurban Qurbanov komandadan ayrılacaq futbolçularla bağlı danışıb.
Moderator.az xəbər verir ki, təcrübəli mütəxəssis bu barədə Premyer Liqanın XXXIII turunda "Sumqayıt"ı 4:3 məğlub etdikləri matçdan sonra keçirilən mətbuat konfransında məlumat verib.
O, yaxın günlərdə bu məsələyə aydınlıq gələcəyini söyləyib.
“Gedəcək oyunçular açıqlanacaq. 1-2 günə daha dolğun məlumat olacaq. Bizdən asılı olmayan məsələlər də var”.
Baş məşqçi Elvin Cəfərquliyevin durumu barədə də fikir bildirib:
“Elvinlə bağlı danışıqlara açığıq. Bizimlə müqaviləsi var. Transfer məsələsi alınmazsa, növbəti qərarı sonra verəcəyik. Elvinə icazə vermişik ki, başqa klublarla danışıq aparsın”.
Qeyd edək ki, Elvin Cəfərquliyevin adı son vaxtlar xarici klublarla hallanır.
