Bakı, 21 may, AZƏRTAC
İctimai məkanlar gələcək şəhərlərin dizaynı və hətta mövcud mühitlərin şəhər kontekstində təkmilləşdirilməsi və dəyişdirilməsi üçün vacib bir komponentdir.
Bu sözləri AZƏRTAC-a açıqlamasında BMT-nin Ümumdünya Şəhərsalma Forumunun 13-cü Sessiyasında (WUF13) iştirak edən İtaliyanın “City Space Architecture” şirkətinin təsisçisi və prezidenti Luiza Bravo deyib.
"Qeyri-kommersiya təşkilatını təmsil edən biri kimi, mənim üçün ictimai məkanlar şəhər sakinləri üçün əsas hüquqlardan biri kimi təmin edilməli vacib bir məsələdir. Planlaşdırma baxımından bu, daha dayanıqlı, təhlükəsiz və inklüziv şəhərlərin inkişafında mühüm rol oynayır”, - deyə o qeyd edib.
Müxbirlər - Gülay Nəzərova, Fidan Əlizadə
Operator - Vüsal Tağıyev
