SpaceX buraxılış məntəqəsində bir nəfər ölüb.
Ucnoqta.az xəbər verir ki, The Wall Street Journal qəzetinin yerli hakimiyyət orqanlarına istinadən verdiyi məlumata görə, Texasdakı SpaceX bazasında iş yerində baş verən qəzada bir nəfər ölüb.
Qəzetin məlumatına görə, hadisə cümə günü baş verib. SpaceX-in Starbase kompleksində işləyən podratçılarından birinin işçisi yıxıldıqdan sonra ölüb.
Qeyd olunur ki, son illərdə SpaceX baza təkmilləşdirmələrini, o cümlədən Starship prototipinin daha tez-tez buraxılmasına imkan verəcək infrastrukturun qurulmasını sürətləndirib. Növbəti Starship sınaq uçuşu 20 may tarixinə planlaşdırılıb.
