Sherg.az saytına istinadən ain.az xəbər verir.
Türkiyənin Milli Kəşfiyyat Təşkilatı ( MİT) Türkiyə əleyhinə casusluq fəaliyyəti həyata keçirən beynəlxalq agent şəbəkəsini zərərsizləşdirib.
Sherg.az xəbər verir ki, Ankara Baş Prokurorluğu və terrorla mübarizə bölməsi ilə birgə aparılan əməliyyat zamanı 4 şəhərdə eyni vaxtda reyd keçirilib.
Əməliyyat nəticəsində şəbəkə rəhbəri B.E. daxil olmaqla 7 nəfər saxlanılıb və məhkəmə qərarı ilə həbs edilib. Şəbəkənin digər iki üzvünün isə başqa cinayətlərə görə həbsdə olduğu bildirilib.
İstintaqa görə, şəbəkə Türkiyədə fəaliyyət göstərən qeyri-hökumət təşkilatları, etnik qruplar və dövlət qurumları barədə həssas məlumatlar toplayaraq xarici kəşfiyyat xidmətlərinə ötürüb.
MİT-in uzunmüddətli izləmə, texniki dinləmə və kibermüşahidə əməliyyatları nəticəsində şəbəkənin əlaqə kanalları, maliyyə mexanizmləri və fəaliyyət üsulları tam şəkildə ifşa olunub. Türkiyə mediası əməliyyatı milli təhlükəsizlik baxımından mühüm uğur kimi qiymətləndirib.
Ən son xəbərləri və yenilikləri almaq üçün ain.az saytını izləyin.
