ain.az bildirir, Olke.az saytına əsaslanaraq.
Tisza Partiyasının lideri və tezliklə Macarıstanın baş naziri olacaq Peter Maqyar polis, vergi orqanları və kommersiya banklarının rəhbərlərini ölkənin hazırkı rəhbərliyinə yaxın oliqarxların xaricə külli miqdarda pul çıxarmasının qarşısını almağa çağırıb.
"Ölkə.az" xəbər verir ki, o, Viktor Orbanın rəhbərlik etdiyi hökuməti də oxşar addımlar atmağa və lazımi qərarlar qəbul etməyə çağırıb.
Maqyar xatırladıb ki, aprelin 25-də banklar "milyardlarla forint dəyərində" bir neçə şübhəli əməliyyatı dayandırıb.
Maqyar qeyd edib ki, qanuna görə, Milli Vergi və Gömrük Administrasiyası (NAV) əməliyyatları yalnız üç-dörd gün müddətinə dayandıra və vəsaitləri dondura bilər. Daimi dondurma yalnız cinayət istintaqı və məhkəmə prosesi halında mümkün olacaq.
"Buna görə də, NAV sədrini banklar tərəfindən bildirilən köçürmələrlə bağlı polis hesabatı təqdim etməyə çağırıram ki, istintaq orqanları istifadə edilən milyardların mənşəyini müəyyən edə bilsinlər", - Maqyar bildirib.
Elvin
Ölkə.az
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
